നരകം ഭൂമിക്കടിയിലോ.

നരകം ഭൂമിക്കടിയിലോ... ?
കോലാ ബോർ ഗർത്തത്തിലെ നിഗൂഢതകൾ...

2006 ൽ ആണ് ആർട്ടിക്കയിലെ ലെ മർമമൻസിനു സമീപം സാപോളിനണി സ്റ്റേഷനിൽ Kola bore-hole പദ്ധതി അതിന്റെ ഇരുപത്തഞ്ചാം വാർഷികം ആചരിച്ചത്. എന്താണ് Kola bore-hole project .....? ആധുനിക ലോകത്തിനു കഴിയുന്നതിന്‍റെ പരമാവദി ഭൂമിയുടെ ആവരണത്തിലേക്ക് എത്രത്തോളം ആഴത്തിൽ കുഴി കുത്താന്‍ കഴിയുമോ അത്രത്തോളം ആഴത്തില്‍ കുഴി കുത്തുക എന്ന ലക്ഷ്യത്തോടെ പഴയ സോവിയറ്റ് യൂണിയൻ പിച്ചൻസ്കി ജില്ലയിലുള്ള കോല പെനിൻസുലയിൽ 1970 മെയ് 24 നു തുടങ്ങിയ പദ്ധതിയാണിത് . ഇപ്പോഴും ഭൂമിയുടെ ഏറ്റവും ആഴത്തിലുള്ള കൃത്രിമ പോയിന്റാണ് 1983 ൽ 12 കിലോമീറ്റർ ആഴത്തിൽ എത്തിയ ഈ പദ്ധതി പിന്നീടുള്ള പത്ത് വർഷത്തില്‍ വെറും 262 മീറ്റര്‍ മാത്രമേ പൂര്‍ത്തികരിക്കാന്‍ കഴിഞ്ഞുള്ളൂ. 1995 ല്‍ മൊത്തം ആഴം 12,262 മീറ്റർ (40,230 അടി) എത്തിയപ്പോള്‍ അപ്രതീക്ഷിതമായി ഈ പദ്ധതി നിര്‍ത്തിവച്ചു. നാലു കിലോമീറ്റർ ആഴത്തിൽ ഒലീസ മൈക്രോ-ജീവികളുടെ ഫോസിലുകള്‍ കണ്ടെത്തിയതാണ് ആദ്യം ശാസ്ത്രജ്ഞന്മാരേ അത്ഭുതപ്പെടുതിയത് , പിന്നീട്, എല്ലാ പാഠപുസ്തക പ്രവചനങ്ങളും തെറ്റാണെന്ന് അവർ മനസ്സിലാക്കി. കുഴി നീണ്ടു പോകുമ്പോള്‍ ഗ്രാനൈടിനു പ്രവചിച്ചതിനേക്കാളും വളരെ ചൂടുണ്ടായിരുന്നു. പത്തു കിലോമീറ്റർ ആഴത്തിൽ ശാസ്ത്രജ്ഞന്മാർ സ്വർണ്ണവും രത്നങ്ങളും അടങ്ങിയ നിക്ഷേപങ്ങൾ കണ്ടെത്തി. പന്ത്രണ്ട് കിലോമീറ്റർ ആഴത്തിൽ താപനില പ്രവചിക്കാനാകുന്നതിനേക്കാൾ വളരെ അതികം ചൂടുണ്ടായിരുന്നു, 220 ഡിഗ്രി സെൽഷ്യസ്, അവിടെ പ്രതീക്ഷിച്ചതിലും കൂടിയ അളവിലുള്ള റേഡിയേഷൻ ഉണ്ടായിരുന്നു, അത് അവരുടെ ഡസൻകണക്കിന് ടൈറ്റാനിയം ഡ്രില്ലുകളെ നശിപ്പിച്ചു. ഭൂമിയിലെ ആഴങ്ങളിൽ നിന്ന് ഉത്ഭവിച്ച പദാർത്ഥങ്ങളെ പരിശോധിക്കുന്ന കോലയിലെ ഗവേഷണകേന്ദ്രത്തിൽ അന്ന് അഞ്ചു ശാസ്ത്രജ്ഞർമാത്രമാണ് ഉണ്ടായിരുന്നത്.

ഭൂമിക്ക് ചുറ്റുമുള്ള ലോകമെമ്പാടുമുള്ള ഏതാണ്ട് എല്ലാ പ്രോജക്ടുകളും മൂന്നു കിലോമീറ്റർ ആഴത്തിൽ എത്തിയ ശേഷം നിർത്തിവെക്കപ്പെട്ടിട്ടുണ്ട്. അമേരിക്കക്കാർ, ജർമ്മൻകാർ, ജപ്പാനീസ് എന്നിവർ 600-ഓളം ശ്രമങ്ങൾ നടത്തിയിരുന്നുവെങ്കിലും അവർ 'ശപിക്കപ്പെട്ട ആഴത്തിൽ' എന്നറിയപ്പെടുന്ന സ്ഥാനത്ത് എത്തിച്ചേർന്നപ്പോൾ വിചിത്രമായ കാര്യങ്ങൾ സംഭവിക്കാൻ തുടങ്ങി. ചിലപ്പോഴെല്ലാം അവിശ്വസനീയമായ രീതിയില്‍ ഡ്രില്ലുകള്‍ കത്തിക്കളഞ്ഞു, ചിലപ്പോൾ അവ അദൃശ്യനായ ശക്തികളാൽ വലിച്ചുപിടിക്കുകയും അപ്രത്യക്ഷമാവുകയും ചെയ്തു. ലോകമെമ്പാടുമായി മൂന്നുകിലോമീറ്ററിന്നു മുകളിലുള്ള കുഴികള്‍ അഞ്ചെണ്ണം മാത്രമേ നടന്നിരുന്നുള്ളൂ, ഇതിൽ നാലും സോവിയറ്റ് അംഗങ്ങളായിരുന്നു. എണ്ണക്കും വാതക നിക്ഷേപത്തിനും വേണ്ടിയായിരുന്നു എല്ലാ കുഴികളും, പക്ഷേ കോല ദ്വാരം മാത്രം ഏഴ് കിലോമീറ്റർ ആഴത്തിൽ പോയി. ആ ആഴത്തിൽ ഭൂമിയിലെ സാധനങ്ങളുടെ സാമ്പിളുകൾ ശേഖരിക്കാൻ എഴുപതു മണിക്കൂർ എടുത്തു. താപനില, വികിരണം, ശബ്ദത്തെക്കുറിച്ചുള്ള വിവരങ്ങൾ എന്നിവയുടെ ഡാറ്റാ ഉപരിതലത്തിലെത്താൻ ഒരു മിനിറ്റ് വേണ്ടിവന്നു.

കോലയുടെ അഗാധഗര്‍ത്തം പത്ത് കിലോമീറ്റർ ആഴത്തിൽ എത്തിയപ്പോള്‍ ടൈറ്റാനിയംഡ്രില്‍ രണ്ടു തവണ ഉരുകി (ടൈറ്റാനിയത്തിന്റെ മേല്‍ടിംഗ് പോയിന്റ്‌1,650 °C കൂടുതല്‍ ആണ്). പല തവണകളായി ഡ്രിൽ താഴേക്ക് വലിച്ചിഴക്കപ്പെടുകയോ ഒടിഞ്ഞുപോകുകയോ ചെയ്തിട്ടുണ്ട് അതൊന്നും എന്തുകൊണ്ടാണെന്ന് കണ്ടെത്താൻ ഇതുവരെ കഴിഞ്ഞിട്ടില്ല. മാത്രമല്ല, പല പ്രവചിക്കാന്‍ കഴിയാത്ത കാര്യങ്ങളും ആ സമയത്ത് നടന്നിരുന്നു . 1994 ൽ, ഗര്‍ത്തം പതിമൂന്നു കിലോമീറ്റർ ആഴത്തിൽ എത്തിച്ചേർന്നപ്പോള്‍ Kola bore-hole പ്രോജക്ട് മാനേജർ ഡോ. അസ്സാസോവ് പറഞ്ഞു 'ഞങ്ങൾ ശേഖരിച്ച വിവരങ്ങൾ വളരെ ആശ്ചര്യകരമാണ് ' അവിടെ ഞങ്ങൾ കണ്ടെത്തിയ കാര്യങ്ങളെക്കുറിച്ച് ഞങ്ങൾ അതിയായി ഭയപ്പെടുന്നു,'
ഭൂമിയിലെ കേന്ദ്രത്തിൽ കണ്ടെത്തിയ ഉയർന്ന താപനിലയാണ് ആദ്യത്തെ അത്ഭുതം. 1,100 ഡിഗ്രി സെൽഷ്യസ് അല്ലെങ്കിൽ 2,000 ഡിഗ്രി ഫാരൻഹീറ്റാണ് ഈ കണക്കുകൾ സൂചിപ്പിക്കുന്നത്, അസെസോവ് ചൂണ്ടിക്കാട്ടി 'ഇത് ഞങ്ങൾ പ്രതീക്ഷിച്ചതിലും വളരെ കൂടുതലാണ്. ഒരു തീപ്പൊരി വീണ് ഭൂമിക്കടിയിൽ ക്രൂരമായി നടക്കുന്നത് പോലെയാണ്.
"അവസാനത്തെ കണ്ടെത്തൽ ഞങ്ങളുടെ ചെവികളെ ഞെട്ടിക്കുന്നതാണ്, അതിനാൽ തന്നെ പദ്ധതി തുടരാൻ ശാസ്ത്രജ്ഞന്മാർ ഭയപ്പെട്ടിരുന്നു. നമ്മൾ ആ അഗാത ഗര്‍ത്തത്തിലെ ചലനങ്ങളെ ശ്രദ്ധാപൂർവം മൈക്രോഫോണുകൾ കൊണ്ട് ശ്രവിക്കാൻ ശ്രമിച്ചു. വിചിന്തന വിദഗ്ധരായ ശാസ്ത്രജ്ഞന്മാരെ നടുക്കിക്കളയുന്ന ഒന്നായിരുന്നു ആ ശബ്ദങ്ങള്‍ . അത് ചിലപ്പോൾ ദുർബലമായിരുന്നെങ്കിലും ഞങ്ങളുടെ സ്വന്തം ഉപകരണങ്ങളിൽ നിന്ന് ഞങ്ങൾ പ്രതീക്ഷിക്കുന്ന ഉയർന്ന ശക്തിയുള്ള ശബ്ദമായിരുന്നു അത് "എന്ന് ഡോ. അസ്സാസോവ് വിശദീകരിച്ചു.

'എന്നാൽ ചില മാറ്റങ്ങൾ വരുത്തിയപ്പോൾ, ഭൂമിയിലെ അന്തർ ഭാഗത്തുനിന്നുള്ള ശബ്ദങ്ങളെ കൂടുതല്‍ മനസ്സിലാക്കാന്‍ പറ്റി. ഞങ്ങളുടെ സ്വന്തം കാതുകളിൽ ഞങ്ങൾക്ക് വിശ്വസിക്കാൻ കഴിഞ്ഞില്ല. വേദനയിൽ അലറുന്ന ഒരു മനുഷ്യ ശബ്ദം ഞങ്ങൾ കേട്ടു.പക്ഷെ അത് ഒറ്റ മനുഷ്യന്റെ ആക്രോശങ്ങൾ ആയിരുന്നില്ല, അത് ദശലക്ഷക്കണക്കിന് മനുഷ്യരുടെ കരച്ചിയിരുന്നു!
ഞങ്ങള്‍ ആ ശബ്ദം തിരിച്ചറിഞ്ഞപ്പോള്‍ ആയിരക്കണക്കിന്...ഒരുപക്ഷേ ദശലക്ഷക്കണക്കിന്, ദുഖിതരായ ആത്മാക്കൾ കരയുന്ന പോലെയാണ്. ഈ ഭീകരമായ കണ്ടുപിടിത്തത്തിനുശേഷം ഏകദേശം പകുതി ശാസ്ത്രജ്ഞരും ഭയത്തോടെ ഈ പദ്ധതിയില്‍ നിന്നും പിന്മാറി "ഡോ. അസ്സാസോവ് കൂട്ടിച്ചേർത്തു.
തൊഴിലാളികള്‍ ജോലിചെയ്യാൻ വിസമ്മതിച്ചതിനാൽ ഈ പദ്ധതി 1992 ൽ നിര്‍ത്തിവെച്ചു ., “ഭൂതങ്ങൾ ഭൂമിയിൽ നിന്നു പുറത്തിറങ്ങുകയായിരുന്നു.” എന്നാണ് ആ ശബ്ദത്തെ കുറിച്ച് അവര്‍ പറഞ്ഞത്. ആഴത്തിൽ നിന്ന് വരുന്ന ശബ്ദങ്ങൾ ആക്രോശിക്കുന്നതും കരയുന്നതും പോലെയാണ് അത് ഞങ്ങളെ ഭീതിപ്പെടുത്തുന്നു എന്നാണ് അവിടത്തെ തൊഴിലാളികള്‍ പറഞ്ഞത് !...