കൈതപ്പൂവും ശബരിമലയും

കൈതപ്പൂവും ശബരിമലയും"
=========================
പുരാതന കാലത്ത് ക്ഷേത്രങ്ങളിൽ പ്രത്യേകിച്ച് ശബരിമലയിൽ കൈതപ്പൂവും പൂജയ്ക്ക് ഉപയോഗിച്ചിരുന്നു എന്ന് മന്ത്രങ്ങളിൽ നിന്നും മനസ്സിലാക്കാം..
പിന്നീട് കൈതപ്പൂവ് പൂജയ്ക്ക് എടുക്കാതെ വന്നതിന്റെ പിന്നിൽ രസകരമായ ഒരു കഥയുണ്ട്...
ശിവൻ തലയിൽ അണിഞ്ഞിരുന്ന ഒരു പുഷ്പമാണ് കേതകി (കൈതപ്പൂവ്).

സത്യ യുഗത്തിൽ മഹാവിഷ്ണു നിത്യാനന്ദ പ്രാപ്തിക്കു വേണ്ടി ശ്വേത ദ്വീപിൽ പോയി കഠിന തപസ്സു ചെയ്തു. അതു പോലെ ബ്രഹ്മാവും മനോഹരമായ മറ്റൊരു സ്ഥലത്ത് ചെന്ന് മോഹ ശമനത്തിനായി തപസാരംഭിച്ചു. വളരെക്കാലം ഇങ്ങനെ തപസ്സു ചെയ്ത അവർ അല്പ്പം
വിശ്രമിക്കുന്നതിനു വേണ്ടി എഴുനേറ്റു ചുറ്റി നടന്നു. അവർ ഒരു സ്ഥലത്ത് വച്ചു പരസ്പരം കണ്ടുമുട്ടി അവനവന്റെ മഹത്വത്തെ കുറിച്ച് പറഞ്ഞു തര്ക്കിച്ച്ചു. ഈ അവസരത്തിൽ രണ്ടുപേരുടെയും മദ്ധ്യേ ശിവൻ

ലിംഗ രൂപത്തിൽ പ്രത്യക്ഷനായി. "എന്റെ പാദമോ ശിരസ്സോ നിങ്ങളിൽ ആരാണോ ആദ്യം കണ്ടെത്തുന്നത് അവനാണ് കൂടുതൽ ശ്രേഷ്ടൻ എന്ന് ശിവൻ പറഞ്ഞു. അതനുസരിച്ചു വിഷ്ണു കീഴോട്ടും ബ്രഹ്മാവ് മുകളിലേയ്ക്കും യാത്ര തുടങ്ങി..
വിഷ്ണു വളരെക്കാലം കീഴോട്ടു സഞ്ചരിച്ചിട്ടും ശിവന്റെ പാദം കണ്ടെത്താനാവാതെ ദുഖിച്ചു തിരിച്ചു വന്നു പുറപ്പെട്ട സ്ഥലത്ത് തന്നെ
വന്നിരുന്നു. ബ്രഹ്മാവും വളരെക്കാലം മേല്പ്പോട്ട് സഞ്ചരിച്ചു.. അപ്പോൾ ആകാശത്തു നിന്നും ഒരു കൈതപ്പൂവ് കീഴോട്ടു വരുന്നതായി ബ്രഹ്മാവ് കണ്ടു. ബ്രഹ്മാവ് പുഷ്പം കൈയ്യിലെടുത്തു. താൻ ശിവന്റെ ശിരസ്സ് കണ്ടുപിടിചെന്നും അതിനു തെളിവായി ശിവന്റെ ശിരസ്സിൽ നിന്നും അടര്ത്തിയെടുത്ത കൈതപ്പൂവാന് ഇതെനും പറഞ്ഞു ബ്രഹ്മാവ് വിഷ്ണുവിന്റെ അടുത്ത് ചെന്നു. പക്ഷെ, വിഷ്ണുവിന് ബ്രഹ്മാവിന്റെ വാക്കിൽ വിശ്വാസം തോന്നിയില്ല. വിഷ്ണു കൈതപ്പൂവിനോട് സത്യം പറയാൻ ആവശ്യപ്പെട്ടു. കൈതപ്പൂവ് ബ്രഹ്മാവിന്റെ പക്ഷം ചേർന്ന് കള്ള സത്യം പറഞ്ഞു. കൈതപ്പൂവിന്റെ കള്ളസത്യം കേട്ട് ശിവൻ കൈതപ്പൂവിനെ ഇങ്ങനെ ശപിച്ചു. "ഇനി ഇന്നു മുതൽ നിന്നെ ആരും ബഹുമാനിക്കാതെയും
പൂജയ്ക്ക് ഉപയോഗിക്കാതെയും പോകട്ടെ.."
അന്ന് മുതലാണ് കൈതപ്പൂവ് പൂജയ്ക്ക് ഉപയോഗിക്കാത്തത്..


* * *
പുഷ്പങ്ങളുടെ കൂട്ടത്തിൽ കൈതപ്പൂവും പുരാതന കാലത്ത്
ശബരിമലയിൽ പൂജയ്ക്ക് ഉപയോഗിച്ചിരുന്നു എന്ന് താഴെ നല്കുന്ന മന്ത്രങ്ങൾ തെളിവാണ്...
"ഹുനേത്രി മധുരൈസ്സാകം കൽഹാര കുസുമൈ: പ്രിയെ
ഘ്രുതേന പായസേനാപി മല്ലികാ കുസുമൈരപി
നീലോല്പ്പ്പലൈർ ജാതി പുഷ്പൈശ്ച്ചം പകൈർ ബകുലൈ സ്തഥാ
പൂജയേൽ കേതകീ പുഷ്പൈ: കൽഹാരൈശ്ച്ച വിശേഷത: "
കൂടാതെ "ഓം കേതകി കുസുമപ്രിയായ നമ: "എന്നും മന്ത്രമുണ്ട്..


കടപ്പാട്: 1) ശ്രീ മഹാശാസ്തൃ പൂജാകല്പ്പദൃമം
2) പുരാണിക്ക് എന്സൈക്ളോ പീഡിയ, വെട്ടം മാണി