പരാശക്തിയായ കാമാക്ഷിയമ്മന്റെ ക്ഷേത്രം
കാഞ്ചീപുരത്തെ കാമാക്ഷിയമ്മന് പരാശക്തിയാണ്- ദേവതകളുടെ ദേവി. സരസ്വതീ ദേവിയെയും ലക്ഷ്മീദേവിയെയും പാര്വതീദേവി സ്വന്തം കണ്ണുകളാക്കിയിരിക്കുന്നു. കാ എന്നാല് വിദ്യാദേവതയായ സരസ്വതി, മാ എന്നാല് സമ്പത്തിന്റെ അധിദേവതയായ ലക്ഷ്മി- അക്ഷി എന്നതിനര്ത്ഥം കണ്ണുകള് എന്നും. സരസ്വതിയേയും ലക്ഷ്മിയേയും കണ്ണുകളായി ധരിച്ചവള് ദേവി കാമാക്ഷി. സപ്തമോക്ഷപുരികളില് ഒന്നത്രെ ഈ ക്ഷേത്രം. നാഭിസ്ഥാന ഒഡ്യാണപീഠം എന്നാണ് ദേവി നില്ക്കുന്ന സ്ഥലം അറിയപ്പെടുന്നത്.
ഗായത്രി മണ്ഡപത്തിന് മധ്യത്തിലായുള്ള ശ്രീകോവില് തെക്ക് കിഴക്കോട്ട് അഭിമുഖമായാണ്. ഇന്ന് ഗായത്രി മണ്ഡപം എന്നറിയപ്പെടുന്ന ആദ്യകാലത്തെ പ്രധാന ക്ഷേത്രത്തിന്റെ ചുറ്റും ചെമ്പകമരക്കാടുകളായിരുന്നു. ദേവന്മാര് തത്തകളുടെ രൂപമെടുത്ത് ഇവിടത്തെ ശ്രീദേവിയെ ഉപാസിച്ചു പോന്നു. ദേവിക്കു മുമ്പിലായി ശ്രീചക്രപ്രതിഷ്ഠ കാണാം. അര്ച്ചനകളും പൂജകളും മുഴുവന് ഇവിടെയാണ് ചെയ്യാറുള്ളത്. ദേവന്മാര്ക്ക് മുഴുവന് പൂര്ണ്ണ സംരക്ഷണം നല്കിയ ശേഷം സൂക്ഷ്മരൂപം പൂണ്ട ദേവി ശ്രീചക്രത്തില് ലയിച്ചു എന്നാണ് സങ്കല്പം. ശ്രീദേവിയുടെ വലതു ഭാഗത്ത് അകവളവുള്ളതായി കാണാം. അസുരന്മാരില് നിന്ന് ദേവന്മാരെ രക്ഷിക്കാന് ബിലാകാശം എന്നറിയപ്പടുന്ന ഈ വലിയ വളവിലൂടെയാണ് ദേവി പ്രത്യക്ഷപ്പെട്ടതുപോല്. കാമദേവന് വരം നല്കാന് മറ്റ് ശക്തികളെ മുഴുവന് ദേവിക്ക് ആവാഹിക്കേണ്ടതായി വന്നതാണ് ഇതിനു കാരണം എന്നും പറയുന്നു.
പത്മാസനത്തിലിരിക്കുന്ന രൂപത്തില് യോഗാവസ്ഥയിലാണ് ദേവി ഇവിടെ. പ്രാര്ത്ഥിച്ചാല് സമാധാനവും ഐശ്വര്യവും ഉറപ്പ്. ദേവിയുടെ താഴെയുള്ള കൈകളില് കരിമ്പുവില്ലും പൂക്കുലയുമാണ്. മുകളില് ഉയര്ത്തിപ്പിടിച്ച കൈകളില് പാശവും അങ്കുശവുമാണ്. പൂക്കുലക്കരികെ ഒരു തത്തയുമുണ്ട്.
അദൈ്വതാചാര്യന് ശങ്കരാചാര്യര് ജീവിതാവസാനം ഇവിടെയാണ് ചിലവഴിച്ചതെന്ന് പറയാറുണ്ട്. ശങ്കരാചാര്യ പ്രതിഷ്ഠയുണ്ട് ക്ഷേത്രത്തില്. ആദിവരാഹപെരുമാളിന്റെ പ്രതിഷ്ഠയുമുണ്ടിവിടെ.
തീര്ത്ഥക്കുളം പഞ്ചഗംഗ എന്നറിയപ്പെടുന്നു. പാലാര് നഗരത്തിന് സമീപത്തിലൂടെ ഒഴുകുന്നു.
കാലടിയില് നിന്ന് കാഞ്ചീപുരത്തെത്തിയ ആദിശങ്കരന് ക്ഷേത്രത്തിലെത്തി ദേവിയെ കാണുമ്പോള് ദേവി അതീവ കോപിഷ്ഠയായിരുന്നു. ദേവിയുടെ കോപത്താല് ശ്രീകോവിലില് ശക്തിയായ ചൂട് അനുഭവപ്പെടുകയുണ്ടായി. ദേവിയുടെ കോപം ശമിപ്പിച്ച് സാധാരണ നിലയിലേക്ക് കൊണ്ടുവരുന്നതിനായി ശങ്കരാചാര്യര് ദേവിയെ സ്തുതിച്ച് നിരവധി ശ്ലോകങ്ങള് ചൊല്ലി. അങ്ങിനെ ദേവിയെ സന്തോഷിപ്പിക്കുന്നതിനായി സ്തുതിച്ചെഴുതിയതാണ് 'സൗന്ദര്യ ലഹരി'. ദേവീപ്രതിഷ്ഠയ്ക്കുമുമ്പില് ശ്രീചക്രം പ്രതിഷ്ഠിച്ചതും ശങ്കരാചാര്യരത്രെ.
മൂകന് എന്ന് പേരുള്ള ഒരു മൂകഭക്തന് പതിവായി ദേവീദര്ശനത്തിനെത്തുമായിരുന്നു. ദേവി കനിഞ്ഞ് അവന്റെ മൂകത മാറ്റിക്കൊടുക്കണമേ എന്ന് ഭക്തരും പ്രദേശ വാസികളും ദേവിയോട് പ്രാര്ത്ഥിച്ചുപോന്നു. മൂകന് സംസാരശേഷിയും കവിത്വവും നല്കി ദേവി അനുഗ്രഹിച്ചു. അത്യാഹ്ലാദവാനായ ആ ഭക്തന് 'മൂകപഞ്ചശതി' എന്ന സ്തുതി രചിച്ച്, പാടി ദേവിയോടുള്ള കൃതജ്ഞത അറിയിച്ചു. ദുഷ്ടനിഗ്രഹകയും ശിഷ്ടരക്ഷകയുമാണ് ദേവി.
തമിഴ് മാസമായ മാശി (ഫിബ്രവരി-മാര്ച്ച്)യിലാണ് പ്രധാന ഉത്സവമായ ബ്രഹ്മോത്സവം. ഒമ്പതാം ദിവസം ദേവിയെ വെള്ളിത്തേരില് എഴുന്നള്ളിക്കുന്നു. നവരാത്രി ദിവസങ്ങളും പൗര്ണ്ണമി നാളുകളും ദേവിക്ക് പ്രത്യേകതയുള്ള ദിവസങ്ങളാണ്. ഈ ദിവസങ്ങളില് ക്ഷേത്രദര്ശനം നടത്തുന്നത് കൂടുതല് നല്ലതാണ്. തമിഴ്മാസമായ ഐപ്പശി (ഒക്ടോബര്-നവംബര്)യിലെ പൂരം നക്ഷത്രത്തില് ദേവിയുടെ പിറന്നാള് പ്രമാണിച്ച് പ്രത്യേക അഭിഷേകങ്ങള് നടത്താറുണ്ട്. ശങ്കരജയന്തി, വൈകാശി മാസത്തിലെ വസന്തോത്സവം- എന്നിവയും പ്രധാനമാണ്.
ദിവസം നാലു പൂജയാണ് ഇവിടെ പതിവ്.
ഗായത്രി മണ്ഡപത്തിന് മധ്യത്തിലായുള്ള ശ്രീകോവില് തെക്ക് കിഴക്കോട്ട് അഭിമുഖമായാണ്. ഇന്ന് ഗായത്രി മണ്ഡപം എന്നറിയപ്പെടുന്ന ആദ്യകാലത്തെ പ്രധാന ക്ഷേത്രത്തിന്റെ ചുറ്റും ചെമ്പകമരക്കാടുകളായിരുന്നു. ദേവന്മാര് തത്തകളുടെ രൂപമെടുത്ത് ഇവിടത്തെ ശ്രീദേവിയെ ഉപാസിച്ചു പോന്നു. ദേവിക്കു മുമ്പിലായി ശ്രീചക്രപ്രതിഷ്ഠ കാണാം. അര്ച്ചനകളും പൂജകളും മുഴുവന് ഇവിടെയാണ് ചെയ്യാറുള്ളത്. ദേവന്മാര്ക്ക് മുഴുവന് പൂര്ണ്ണ സംരക്ഷണം നല്കിയ ശേഷം സൂക്ഷ്മരൂപം പൂണ്ട ദേവി ശ്രീചക്രത്തില് ലയിച്ചു എന്നാണ് സങ്കല്പം. ശ്രീദേവിയുടെ വലതു ഭാഗത്ത് അകവളവുള്ളതായി കാണാം. അസുരന്മാരില് നിന്ന് ദേവന്മാരെ രക്ഷിക്കാന് ബിലാകാശം എന്നറിയപ്പടുന്ന ഈ വലിയ വളവിലൂടെയാണ് ദേവി പ്രത്യക്ഷപ്പെട്ടതുപോല്. കാമദേവന് വരം നല്കാന് മറ്റ് ശക്തികളെ മുഴുവന് ദേവിക്ക് ആവാഹിക്കേണ്ടതായി വന്നതാണ് ഇതിനു കാരണം എന്നും പറയുന്നു.
പത്മാസനത്തിലിരിക്കുന്ന രൂപത്തില് യോഗാവസ്ഥയിലാണ് ദേവി ഇവിടെ. പ്രാര്ത്ഥിച്ചാല് സമാധാനവും ഐശ്വര്യവും ഉറപ്പ്. ദേവിയുടെ താഴെയുള്ള കൈകളില് കരിമ്പുവില്ലും പൂക്കുലയുമാണ്. മുകളില് ഉയര്ത്തിപ്പിടിച്ച കൈകളില് പാശവും അങ്കുശവുമാണ്. പൂക്കുലക്കരികെ ഒരു തത്തയുമുണ്ട്.
അദൈ്വതാചാര്യന് ശങ്കരാചാര്യര് ജീവിതാവസാനം ഇവിടെയാണ് ചിലവഴിച്ചതെന്ന് പറയാറുണ്ട്. ശങ്കരാചാര്യ പ്രതിഷ്ഠയുണ്ട് ക്ഷേത്രത്തില്. ആദിവരാഹപെരുമാളിന്റെ പ്രതിഷ്ഠയുമുണ്ടിവിടെ.
തീര്ത്ഥക്കുളം പഞ്ചഗംഗ എന്നറിയപ്പെടുന്നു. പാലാര് നഗരത്തിന് സമീപത്തിലൂടെ ഒഴുകുന്നു.
കാലടിയില് നിന്ന് കാഞ്ചീപുരത്തെത്തിയ ആദിശങ്കരന് ക്ഷേത്രത്തിലെത്തി ദേവിയെ കാണുമ്പോള് ദേവി അതീവ കോപിഷ്ഠയായിരുന്നു. ദേവിയുടെ കോപത്താല് ശ്രീകോവിലില് ശക്തിയായ ചൂട് അനുഭവപ്പെടുകയുണ്ടായി. ദേവിയുടെ കോപം ശമിപ്പിച്ച് സാധാരണ നിലയിലേക്ക് കൊണ്ടുവരുന്നതിനായി ശങ്കരാചാര്യര് ദേവിയെ സ്തുതിച്ച് നിരവധി ശ്ലോകങ്ങള് ചൊല്ലി. അങ്ങിനെ ദേവിയെ സന്തോഷിപ്പിക്കുന്നതിനായി സ്തുതിച്ചെഴുതിയതാണ് 'സൗന്ദര്യ ലഹരി'. ദേവീപ്രതിഷ്ഠയ്ക്കുമുമ്പില് ശ്രീചക്രം പ്രതിഷ്ഠിച്ചതും ശങ്കരാചാര്യരത്രെ.
മൂകന് എന്ന് പേരുള്ള ഒരു മൂകഭക്തന് പതിവായി ദേവീദര്ശനത്തിനെത്തുമായിരുന്നു. ദേവി കനിഞ്ഞ് അവന്റെ മൂകത മാറ്റിക്കൊടുക്കണമേ എന്ന് ഭക്തരും പ്രദേശ വാസികളും ദേവിയോട് പ്രാര്ത്ഥിച്ചുപോന്നു. മൂകന് സംസാരശേഷിയും കവിത്വവും നല്കി ദേവി അനുഗ്രഹിച്ചു. അത്യാഹ്ലാദവാനായ ആ ഭക്തന് 'മൂകപഞ്ചശതി' എന്ന സ്തുതി രചിച്ച്, പാടി ദേവിയോടുള്ള കൃതജ്ഞത അറിയിച്ചു. ദുഷ്ടനിഗ്രഹകയും ശിഷ്ടരക്ഷകയുമാണ് ദേവി.
തമിഴ് മാസമായ മാശി (ഫിബ്രവരി-മാര്ച്ച്)യിലാണ് പ്രധാന ഉത്സവമായ ബ്രഹ്മോത്സവം. ഒമ്പതാം ദിവസം ദേവിയെ വെള്ളിത്തേരില് എഴുന്നള്ളിക്കുന്നു. നവരാത്രി ദിവസങ്ങളും പൗര്ണ്ണമി നാളുകളും ദേവിക്ക് പ്രത്യേകതയുള്ള ദിവസങ്ങളാണ്. ഈ ദിവസങ്ങളില് ക്ഷേത്രദര്ശനം നടത്തുന്നത് കൂടുതല് നല്ലതാണ്. തമിഴ്മാസമായ ഐപ്പശി (ഒക്ടോബര്-നവംബര്)യിലെ പൂരം നക്ഷത്രത്തില് ദേവിയുടെ പിറന്നാള് പ്രമാണിച്ച് പ്രത്യേക അഭിഷേകങ്ങള് നടത്താറുണ്ട്. ശങ്കരജയന്തി, വൈകാശി മാസത്തിലെ വസന്തോത്സവം- എന്നിവയും പ്രധാനമാണ്.
ദിവസം നാലു പൂജയാണ് ഇവിടെ പതിവ്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ