ഭാരതീയ സംസ്കാരത്തിൽ സ്ത്രീകൾക്ക് 870000 വര്ഷം മുന്നേ പോലും ഹഠയോഗയും ,പൂജകളും ,താന്ത്രികവും ,രാജ്യ ഭരണവും നടത്താൻ അവകാശമുണ്ടായിരുന്നെന്നും

മക്കളെ നിങ്ങൾക്കു മുഷിയില്ലെങ്കിൽ ഭാരതീയ സംസ്കാരത്തിൽ സ്ത്രീകൾക്ക് 870000 വര്ഷം മുന്നേ പോലും ഹഠയോഗയും ,പൂജകളും ,താന്ത്രികവും ,രാജ്യ ഭരണവും നടത്താൻ അവകാശമുണ്ടായിരുന്നെന്നും അപ്രകാരം ചെയ്തിരുന്നെന്നും തെളിയിച്ചു തരാം ...

870000 വർഷം മുൻപേ എന്ന് പറയുവാൻ കാരണം ആദ്യം പറയട്ടെ .ഭാഗവതത്തിൽ കാല ഗണന എന്ന അധ്യായത്തിൽ ( യുഗ വർണന ) ആദ്യയുഗമായ കൃതായുഗം 1728000 വർഷങ്ങൾ എന്നും ,രണ്ടാം യുഗമായ ത്രേതാ യുഗം 1296000 വർഷങ്ങൾ എന്നും ,മൂന്നാം യുഗമായ ദ്വാ പരയുഗം 864000 വര്ഷങ്ങളെന്നും ,നാലാമത്തെയും ഒടുവിലത്തെയും യുഗം കലിയുഗമാണെന്നും അതിൽ 432000 വർഷമുള്ളതിൽ വെറും 5120 വര്ഷം മാത്രമേ ആയിട്ടുള്ളുവെന്നും പറയുന്നുണ്ട് .അപ്പോൾ ത്രേതാ യുഗത്തിൽ ജീവിച്ചിരുന്ന ശ്രീരാമന് 864000+,5120=869120 എന്ന് കിട്ടും .ലവകുശന്മാർ ഒടുവിലത്തെ രാജാക്കന്മാരും പിന്നീട് ചന്ദ്ര വംശവും ആണ് ഭാരതം ഭരിച്ചിരുന്നത് .അപ്പോൾ അതിൽ ഒരു 80 വര്ഷം കൂടി കൂട്ടിയാൽ 869200 എന്ന് കിട്ടും .അതിനും മുന്നേ ഭരിച്ചിരുന്ന ശിഖി ധ്വജൻ എന്ന രാജാവിന്റെ കാലത്താണ് ഈ സംഭവം ..ഏകദേശം ,8 തലമുറ പിന്നിൽ .അപ്പോൾ 869200+800 =870000 എന്ന് കിട്ടും .കാര്യത്തിലോട്ടു കടക്കാം .

ശ്രീരാമൻ 12 വയസ്സുള്ളപ്പോൾ കാട്ടിൽ നായാട്ടിനുപോയിരുന്നു .കാടിന്റെ ഭംഗിയും ശാന്തതയും ,ഋഷിമാരുടെ തപസ്സുമൊക്കെ കണ്ടപ്പോൾ വൈകുണ്ഠ വിഷ്ണുവിന്റെ അവതാരമായ ശ്രീരാമൻ എല്ലാ ലൗകികങ്ങളും മറന്നു വിരക്തനായി ..നായാട്ടു നിർത്തി തിരിച്ചു പോന്ന ശ്രീരാമൻ കതകടച്ചു സമാധിസ്ഥനായി ജീവിക്കാൻ തുടങ്ങി .ദശരഥൻ എത്ര ഉപദേശിച്ചതും വെറുതെയായി .രാജ്യം അന്യം നിൽകുമെന്നായപ്പോൾ ദശരഥൻ കുല ഗുരു വസിഷ്ഠനെ കൊണ്ട് ഉപദേശിപ്പിച്ചു .ഇതാണ്പിൽക്കാലത്തു ബ്രിഹദ്യോഗവാസിഷ്ഠം എന്ന പേരിൽ അറിയപ്പെട്ടത് .ഇതിലെ ഉപദേശങ്ങൾക്കു ശേഷമാണു ശ്രീരാമൻ സീതയെ വിവാഹിക്കാൻ സമ്മതിച്ചത്.അതിനു പ്രേരകമായ കഥ ഒരു സ്ത്രീ വിശേഷമായിരുന്നു ..പേര് ചൂഡാല..ഭർത്താവ് രാജ ശിഖിധ്വജൻ

എല്ലാ ആണുങ്ങളും പോലെ ശിഖിധ്വജനും ചൂഡാലയെ വിവാഹം ചെയ്തു റാണിയാക്കി ..കുട്ടികളുമുണ്ടായി അസ്ത്ര ശാസ്ത്ര ,ശസ്ത്ര വിദ്യകളിൽ നിപുണരുമായി .ഇനിഒന്ന് സുഖിക്കാമെന്നു ഏതു പെണ്ണും ആഗ്രഹിക്കുന്ന പോലെ ചൂഡാലയും ചിന്തിച്ചു .അതുപോലെ ഏതു ആണും ചിന്തിക്കുന്ന പോലെ കഷ്ടപ്പാടുകൾ എല്കുന്നതിനുപകരം സന്യാസം എന്ന ഒളിച്ചോട്ടം നടത്താൻ ശിഖി ധ്വജനും ചിന്തിച്ചു .( സന്യാസത്തെ കുറച്ചു കണ്ടതല്ല )..എന്നാൽ ഏതു പ്രതിസന്ധിയിലും കുടുംബത്തെ സംരക്ഷിക്കാൻ ഏതൊരു സ്ത്രീയും ഒരു ലഹരിയിലും അടിപ്പെടാതെ സംരക്ഷിക്കുന്നതു പോലെ ചൂഡാല കുടുംബ ഭരണവും ,രാജ്യ ഭരണും ഏറ്റെടുത്തു .ശിഖി ധ്വജൻ സന്യാസത്തിനു കാട്ടിലും പോയി .കാട്ടിൽ കഴിയുന്ന സമയത്തു ദാഹിച്ചു വലഞ്ഞ രാജാവ് അല്പം വെള്ളം ഒരു സ്ത്രീയോട് ചോദിച്ചു .ജലം കൊടുക്കുമ്പോൾ രാജ്യ മുദ്ര മോതിരം കണ്ടവൾ തിരിച്ചറിഞ്ഞു . സന്യാസി ആയി മാറിയതുകൊണ്ട് മടിക്കേണ്ടതില്ലെന്നു ശിഖിധ്വജനുംപറഞ്ഞു .അല്പംദിവസം കഴിഞ്ഞപ്പോൾ ദേവേന്ദ്രൻ അവിടെ വന്നു .രാജാവിനോട്തിരിച്ചു പോകാൻ നിർദേശിച്ചു .കാരണംഎന്താണെന്നു രാജാവ് ചോദിച്ചതിന് ഉത്തരം നൽകി .ഇയാളുടെ അഹങ്കാരം വിട്ടിട്ടില്ലെന്ന് . എന്തുകൊണ്ടെന്ന് ചോദിച്ചപ്പോൾ ഇന്ദ്രൻ പറഞ്ഞു ചെങ്കോലും ,മുദ്രകളൊന്നും ഉപേക്ഷിക്കാതെ അഹങ്കാരത്തോടെയാണ് തപസു ചെയ്യുന്നതെന്ന് .ഉടനെ രാജാവ് അതെല്ലാം വലിച്ചെറിഞ്ഞു .ഉപദേശം തേടിയെത്തി .അപ്പോൾ അഹങ്കാരരൂപമായ രാജ വസ്ത്രം ഇപ്പോഴുമുണ്ടെന്നായി ഇന്ദ്രൻ .ഉടനെ വിവസ്ത്രനായി തൊഴുതു ചോദിച്ചു .ഇപ്പോൾ അഹങ്കാരം പോയോ എന്ന് .അതിനു ഏറ്റവും മോശമായ ഒരു വസ്തു ദക്ഷിണയായി തരണമെന്നും ആവശ്യപ്പെട്ടു .അതും തേടി രാജാവ് നടന്നു .എന്തൊന്നിനോട് ചോദിച്ചാലും അതെല്ലാം ഒന്നിന് മുകളിലാണെന്നെ പറഞ്ഞുള്ളു .മോശമായതൊന്നും കണ്ടില്ല..ഒടുവിൽഅമേദ്യം എടുത്തു കൊടുക്കാമെന്നു ചിന്തിച്ചു അതെടുക്കാൻ നോക്കി .ഉടനെ മനസ്സ് പറഞ്ഞു അമേധ്യവും ഒരുകാലത്തു നല്ല ഭക്ഷണമായിരുന്നു .അത്കൊണ്ട് അതും മോശം വസ്തുവല്ലെന്നു രാജാവറിഞ്ഞു .തിരികെ വന്നു ഇന്ദ്രന്റെ കാലിൽ സാഷ്ടാംഗം വീണു ..തന്നിലെ അഹങ്കാരമാണ് ഏററവും മോശമെന്ന് സമ്മതിച്ചു .അത് ദക്ഷിണയായി നൽകി .അപ്പോൾഅൽപ കാലം കൂടി രാജ്യം ഭരിച്ചിട്ടു മതി സന്യാസമെന്നും ഉപദേശിച്ചു .അതുപ്രകാരം വീൺടും രാജ്യഭരണമേറ്റെടുത്തു കുറച്ചു വർഷം കൂടി കഴിഞ്ഞു വീണ്ടും സന്യാസത്തിനു വന്നു .

അങ്ങിനെ ഒരു ദിവസം തീർത്ഥാടനത്തിന് പോകുകയായിരുന്ന ഒരു സന്യാസി തന്റെ കുമാരിയായ മകളെ കൊണ്ടുപോകുന്നത് സുരക്ഷിതമല്ലെന്ന് കരുതി അവളെ തീർത്ഥാടനം കഴിഞ്ഞു വരുവോളം നോക്കാനായി ശിഖിധ്വജ സന്യാസിയുടെ ആശ്രമത്തിൽ ഏർപ്പാടാക്കി .അയാളത് ഏറ്റെടുത്തു ..കുറെവർഷം കടന്നുപോയപ്പോൾ കുമാരി യുവതിയായി ..ഒരു പുരുഷന്റെ കൂടെ കഴിയുകയാണെങ്കിൽ ഭാര്യ ഭർത്താവായി കഴിയണമെന്നും അല്ലെങ്കിൽ അപവാദം ഉണ്ടാകുമെന്നും കുമാരി പറഞ്ഞപ്പോൾ അവളെ സ്വയം ഭാര്യയായി സ്വീകരിച്ചു ജീവിച്ചു തുടങ്ങി .ഒരു ദിവസം പുറത്തു പോയി വന്ന ശിഖിധ്വജസന്യാസി കണ്ടത് കതകു അടച്ചിട്ടു മറ്റൊരു പുരുഷനുമായി ബന്ധപ്പെടുന്ന ഭാര്യയെയാണ് .ഇത്കണ്ടപ്പോൾ കമിതാക്കൾക്കു സുഖ ഭംഗം വരുത്തരുതെന്ന് കരുതി ശിഖിധ്വജസന്യാസി പുറത്തു ശബ്ദമുണ്ടാക്കാതെ കാത്തിരുന്നു.( സനാതന ധർമത്തിൽ ഈ സന്ദർഭം ശത്രുവിന്റേതായാലും തടയരുതെന്നു നിര്ദേശമുണ്ട് !! ഇന്നാണെങ്കിൽ സെൽഫിയെടുത്തു നാറ്റിച്ചേനെ)
ബന്ധംകഴിഞ്ഞ ഭാര്യ പുറമെ കണ്ടത് കാത്തിരിക്കുന്ന ഭർത്താവിനെയും .ഉടനെ അവർ രണ്ടുപേരും സന്ന്യാസിയുടെ കാൽക്കൽ വീണു മാപ്പപേക്ഷിച്ചു .യഥാർത്ഥസന്യാസിയായിമാറിയിരുന്ന അയാൾ ഒരു ക്രോധവും കൂടാതെ അവർ രണ്ടുപേരെയും അനുഗ്രഹിച്ചു .എന്നാൽഎത്ര അപേക്ഷിച്ചിട്ടും അവളെ സ്വീകരിക്കുവാൻ തയ്യാറായില്ല.കാരണംദമ്പതികൾ തൃപ്തരായി വേണം കഴിയാൻ .അതിനു കഴിയാത്തതുകൊണ്ടാണല്ലോ ഭവതി അന്യ പുരുഷനെ സ്വീകരിച്ചത് ..ഇനി നിങ്ങൾ സുഖമായി കഴിയു എന്നും അനുഗ്രഹിച്ചു .അപ്പോൾ അവൾ അയാളോട് അവരുടെ വിവാഹം ആര്ഭാടത്തോടുകൂടി കൊട്ടാരത്തിൽ വെച്ച് നടത്തിക്കൊടുക്കണമെന്നും അപേക്ഷിച്ചു .സന്യാസിയായ രാജാവിന് ഒന്നും ഇല്ലല്ലോ .എങ്കിലും നടത്തിക്കൊടുക്കാമെന്നു പറഞ്ഞപ്പോൾ ആശ്രമം മുതൽ കൊട്ടാരം വരേയ്ക്കും പന്തലുകളും അലങ്കാരങ്ങളും പരിവാരങ്ങളും ,നൃത്യ നൃത്തങ്ങളും വാദ്യ ഘോഷങ്ങളും തുടങ്ങി മായാലോകം പോലെ ..പിന്നീട് കണ്ടത് സർവ്വാഭരണ ഭൂഷിതയായ ചൂഡാലയെയാണ് ..ജാരനെയും ഭാര്യയെയും ( സന്യാസിയുടെ മകൾ )കണ്ടില്ല .അത്ഭുതപ്പെട്ട ശിഖിധ്വജനോട് ഇക്കണ്ട കാര്യങ്ങളെല്ലാം ചെയ്തതും ,ഇന്ദ്രനായും ,സ്ത്രീയായും ,സന്യാസിയായും ,കുമാരിയായും,ജാരനായും ഒക്കെ വന്നത് അവൾ തന്നെയായിരുന്നു എന്നറിയിച്ചു .ഹഠയോഗ അഭ്യസിച്ചു ആകാശ സഞ്ചാരം പഠിച്ചു,രൂപം മാറാൻ പഠിച്ചു ,സന്യാസം പഠിച്ചു,രാജ്യവും ഭരിച്ചു ,ഗൃഹകാര്യങ്ങളും നടത്തി ഭർത്താവിനെ വീണ്ടു കൊണ്ട് വരികയും ചെയ്തു ..!!! എല്ലാം ഒരു സ്ത്രീ !!! രാമൻ അത്ഭുതപ്പെട്ടു ..ഉടനെ വിവാഹത്തിന് സമ്മതിക്കുകയും ചെയ്തു . അല്ലായിരുന്നെങ്കിൽ നമുക്കൊരു ഇതിഹാസം നഷ്ടം ആയേനെ .(രാമായണം)
ഇതാണ് ഭാരത സ്ത്രീ ..ഇനി നിങ്ങൾക് ആർകെങ്കിലും സ്ത്രീത്വത്തെ കുറിച്ച് അപമാനം തോന്നുന്നുണ്ടോ ???അവൾക്കു പൂജയോ താന്ത്രികമോ മാന്ത്രികമോ നിഷിദ്ധമായിരുന്നെന്നു വിശ്വസിക്കാമോ ? ആർത്തവം അവൾക്കു ശക്തിയാർജിക്കാൻ തടസ്സമാണെന്നു കരുതാമോ ?