അമ്മച്ചിവീട് മൂർത്തി ക്ഷേത്രം കൊല്ലം ജില്ല

അമ്മച്ചിവീട് മൂർത്തി ക്ഷേത്രം

🌹

കൊല്ലം ജില്ലയിലെ അമ്മച്ചിവീട് എന്ന സ്ഥലത്ത് സ്ഥിതി ചെയ്യുന്ന ഈ ക്ഷേത്രത്തിലെ പ്രധാന മൂർത്തി ആധിപരാശക്തി എന്നും അരൂപി എന്നുമാണ് വിശ്വാസം. ഗായത്രി യിൽ 24 അക്ഷരങ്ങൾ. ഇതിലെ ഓരോ അക്ഷരത്തിനും ഓരോ ശക്തി ദേവതയുണ്ട്. ആദ്യത്തെ അക്ഷരത്തിനു ആദ്യ ശക്തി യാണ് ദേവത.ഇവിടെ ഈ ശക്തിയായിരിക്കാം എന്നാണ് സങ്കൽപ്പം. കിഴക്കോട്ട് ദര്ശനമയ ഈ ക്ഷേത്രത്തിന്റെ തന്ത്രികവിധി പുതുമന ഇല്ലക്കരുടേതാണ്.ഇവിടെ അഞ്ചു പൂജയാണ് ഉള്ളത്. ഉപദേവതകൾ:ഗണപതി, രക്തചാമുണ്ഡി, പരമ്പരു,രക്ഷസ്,മറു ത, യക്ഷി,ഗന്ധർവ്വൻ, മാടൻ,ബ്രഹ്മരക്ഷസ്,വേതാളം,യോഗീശ്വരന്മാർ,കൂടാതെ പുറത്ത് ഒരു ജിന്ന്.ഒരു കുടുംബ പോരിൽ എതിർത്ത കുടുംബതിലെ കുട്ടിയെ നശിപ്പിക്കാൻ നാലാംവേദക്കാരനെ സമീപിച്ചു.ഇതിനു വേണ്ടി തടസ്സം നിന്ന ദേവിയെ സ്തംഭിപ്പിച്ചു ഹോമിക്കാൻ തയ്യാറായി.മറ്റേ കുടുംബക്കാർ തപസ് ചെയ്ത് സുദർശന ചക്രം കൊണ്ട് സ്തംഭനഅവസ്ഥ നീക്കി ദേവിയെ ഹോമിക്കാൻ തയ്യാറാക്കിയ ഹോമാകുണ്ഡത്തിൽ നാലാംവേദക്കാരനെ ഹോമിച്ചു.ഇയാളുടെ ആത്മാവിനെയാണ് ജിന്നായി ഈ ക്ഷേത്രത്തിനു മുൻപിലെ ഇലഞ്ഞി യുടെ ചുവട്ടിൽ കുടിയിരുത്തിയിട്ടുള്ളത്.നേരത്തെ ഈ ക്ഷേത്രത്തിൽ ആടിനെയും കോഴിയേയും വെട്ടിയിരുന്നു.മൽസ്യം കിട്ടാൻ ഫിഷിംഗ് ബോട്ടുകളിലും വള്ളങ്ങളിലും ക്ഷേത്രത്തിലെ കൊടി കൊണ്ട് പോയി കെട്ടുക പതിവായിരുന്നു. ഈ ക്ഷേത്രത്തിൽ ആദ്യം പീഠം ആയിരുന്നു. പിന്നീട് പുതുക്കി പണിതു.ശ്രീകോവിലിലെ നാലടിയോളം പൊക്കമുള്ള ഗർഭഗൃഹത്തിൽ ദേവി കുടി കൊള്ളുന്നു.ഇവിടെ വിഗ്രഹം ഇല്ല എന്നുള്ള പ്രേത്യേക ഉണ്ട്.സ്വർണപീഠത്തിൽ രണ്ടു ശംഖുകൾ. ഇവയിൽ ആണ് ദേവി കുടികൊള്ളുന്നത്.വിഗ്രഹം ഇല്ലെങ്കിലും സ്വർണം കൊണ്ടുള്ള ഒരുക്കങ്ങൾക്ക് ഒട്ടും കുറവില്ല.വലിയ മാലകളും വള്ളിലതാധികൾ സ്വർണം കൊണ്ടുള്ളതാണ്.ദീപാരാധന വേളകളിൽ കണ്ടു തൊഴുതാൽ പിന്നീട് ഈ കാഴ്ച മറക്കാൻ കഴിയില്ല.സാക്ഷാൽ മഹാറാണി ആണ് ഇവിടെ ദേവി.നിവേദ്യം തിടപ്പള്ളിയിൽ നിന്നും കൊണ്ട് വരുന്നത് തന്നെ മുത്തുക്കുട ചൂടിയാണ്. അത്രക്ക് പ്രൗഢി ആണ്. ശത്രുനാശിനി ആണ് ദേവി.ആരു വിളിച്ചാലും അവരുടെ വിളിപ്പുറത് അമ്മ ഓടിയെത്തും.അമ്മച്ചിവീട് അമ്മ എന്നു പറഞ്ഞാൽ തന്നെ ഒരു ഭയപ്പാടോടു കൂടിയേ ദേവിയെ ഓർക്കാറുള്ളൂ.അത്രക്ക് ഉഗ്രമൂർത്തിയാണ്. ആഭിചാരം,കൂടോത്രം എന്നിവ ഒഴിവാക്കി രക്ഷിക്കാൻ ദേവിക്ക് പ്രേത്യേക കഴിവാണ്.ശത്രുദോഷം തീരാൻ അവിടെ ചെന്ന് പ്രാർത്ഥിച്ചാൽ മതി.ശത്രു ഏത് കേമൻ ആയാലും നിലം പതിക്കും.അത്രക്ക് ശക്തി ഉള്ള ദേവിയാണ്.ഞാൻ ഇത് ടൈപ് ചെയ്യുന്ന ത് ഒക്കെ പുള്ളിക്കാരി അറിഞ്ഞു കാണും എന്നുള്ളത് എനിക്ക് ഉറപ്പാണ്.എന്നെ നോക്കി ചിരിച്ചു കൊണ്ട് ഇരിക്കുവായിരിക്കും.ഭയങ്കര ദേഷ്യക്കാരി ആണ്. അതുകൊണ്ട് ഒന്നും പറയാൻ പറ്റില്ല.പിന്നെ ഇവിടുത്തെ പ്രധാന വഴിപാട് അമ്മയുടെ ഏറെ ഇഷ്ടമുള്ള മേനി പായസവും ബാഗ്‌ളാമുഖി രക്തപുഷ്പാഞ്ജലി യും ആണ്.ഇന്ത്യയിൽ തന്നെ അപൂർവമായി ബാഗ്‌ളാമുഖി അർച്ചന നടത്തുന്ന ക്ഷേത്രങ്ങളിൽ ഒന്നാണിത്.ദശമഹാവിദ്യയിലെ ഏറ്റവും ശക്തി കൂടിയ ദേവിയാണ് മഹാദേവൻ പോലും പൂജിക്കുന്ന ദേവി ബഗ്‌ളാമുഖി.ഈ ദേവതയും ശത്രുനാശത്തിനും സ്തംഭനതിനും ഉപസകന്മാരാൽ പൂജിക്കപ്പെടുന്നു.അപ്പോൾ ആ ദേവിയുടെ പേരിൽ ഉള്ള അർച്ചനയുടെ ഫലം ഇവിടെ കിട്ടുന്നുണ്ട്.ഖേതടത്തിന് തൊട്ടടുത്തുള്ള കാവിൽ പറപ്പൂരമ്മയും നഗദൈവങ്ങളും കുടികൊള്ളുന്നുഅമ്മച്ചിവീട്ടിൽ അമ്മയുടെ അനുഗ്രഹം ഒരുപാട് തവണ എനിക് അനുഭവിക്കാൻ യോഗമുണ്ടായിട്ടുണ്ട് എന്നുകൂടി പറഞ്ഞു കൊള്ളട്ടെ.നിങ്ങളെ ഏവരെയും 'അമ്മ അനുഗ്രഹിക്കട്ടെ എന്നു പ്രാര്ഥിച്ചുകൊണ്ടു നിർത്തട്ടെ.എന്റെ വാക്കുകളിൽ എന്തെങ്കിലും അപാകത ഉണ്ടെങ്കിൽ എല്ലാവരും ക്ഷമിക്കുക. അമ്മചിവീട്ടിൽ അമ്മയെ ശരണം.

കൂടുതൽ പ്രതികരണങ്ങൾ കാണിക്കുക