ഒരുപാട് പേർ പറഞ്ഞിട്ടുണ്ട് മലക്കപ്പാറയെ കുറിച്ച് പക്ഷെ.... നമ്പർ പാറയും കസേര പാറയും നിങ്ങളെ കൂടുതൽ തണുപ്പിക്കും... പ്രത്യേകിച്ച് കോട പുതച്ച് കിടക്കുന്ന തേയില തോട്ടങ്ങൾ താണ്ടി അഗാധമായ ഗർത്തത്തിലേക്ക് തള്ളിനിക്കുന്ന ഈ രണ്ട് വ്യൂ പോയിന്റുകളും ടാടാ ടീ എസ്റ്റേറ്റ് ന് ഉള്ളിലാണ്... ഇവിടെ നിന്നാൽ മുന്നിൽ മൂന്നാറിനോട് ചേർന്ന് കിടക്കുന്ന സൂര്യമലക്കപ്പുറം കോതമംഗലം ഇടുക്കി ഭാഗങ്ങളാണ്... അങ്ങകലെ ഇടമലയാർ ഡാം കാണാം... തൊട്ട് മുന്നിലെ അഗാധമായ ഗർത്തത്തിന്റെ നടുവിൽ താഴ്വരയിൽ നീരാർ ചെറുഡാമിൽ നിന്നുള്ള അരുവി ഇടമലയാർ ഡാം ലക്ഷ്യമാക്കി ഒഴുകുന്നുണ്ട്
അതിന്റെ തീരത്ത് കിലോമീറ്റുകൾ അകലെയായ് വെട്ടിവിട്ട കാട് ആദിവാസി കുടി ദൃശ്യമാണ്... മൂന്നാറിൽ നിന്നുള്ള ആദിവാസി വഴിച്ചാലുകൾ വഴി ഇന്നും വാൽ പാറയിലേക്കും മലക്കപ്പാറയിലേക്കും നിരവധി ആദിവാസികൾ നടന്നുവരുന്നു ... ചെറുതും വലുതുമായി നിരവധി വെള്ളച്ചാട്ടങ്ങൾ സൂര്യ മ ല യിൽ നിന്ന് താഴേക്ക് പതിക്കുന്നത് കാണാം... മലക്കപ്പാറ ടൗണിൽ നിന്ന് ഏകദേശം 8 കി മീ ഓഫ് റോഡ് പോയാൽ മാത്രമേ ഈ പ്രദേശം കാണാനാകു.. കരടിയുടേയും കാട്ട് പോത്തിനേയും ചെങ്കീരികളേയം ധാരാളമായി ഇവിടെ കാണാമെന്ന് ആദിവാസികൾ പറയുന്നു... ഞങ്ങൾക്ക് കരടിയെ കാണാൻ സാധിച്ചില്ല.. ചെങ്കീരികൾ നിരവധി മിന്നൽ പിണർ പോലെ തേയില കാടുകളിൽ കാണാൻ കഴിഞ്ഞു..
തിരുവിതാംകൂർ രാജവംശത്തിന്റേയും കൊച്ചി രാജ വംശത്തിന്റേയും അതിരുകളായി നൂറ്റാണ്ട് കൾക്ക് മുമ്പ് ഇരുരാജ്യങ്ങളും തമ്മിൽ ഒപ്പിട്ട കരാർ പ്രകാരം നമ്പർ പതിച്ച് ദിശകൾ ആലേഖനം ചെയ്ത പാറയാണ് നമ്പർ പാറ എന്നറിയപ്പെടുന്നത്.. അതിന് തൊട്ടടുത്ത് കസേര പാറയും സ്ഥിതി ചെയ്യുന്നു.. ഇപ്പോൾ ഇതൊക്കെ ടാറ്റ തോട്ടങ്ങളായി നില നിൽക്കുന്നു.. ഗർത്തങ്ങളുടെ വക്കുകൾ അരമതിൽ കെട്ടി തിരിച്ചിട്ടുണ്ട് കസേര പാറയുടെ ചില ഭാഗങ്ങളിൽ...
സഞ്ചാരികളെ കർശനമായി നിയന്ത്രിച്ചിട്ടുള്ള ഇവിടെ എത്തണമെങ്കിൽ തോട്ടത്തിന്റെ അനുമതിയും ഒപ്പം ഫോറസ്റ്റിന്റെ അനുമതിയും ആവശ്യമാണ്.. ചിലപ്പോൾ ഭാഗ്യം പോലെ മാത്രം ലോകൽ ഓഫീസുകൾ കയറിയിറങ്ങിയാൽ പെർമിഷൻ കിട്ടാം.... യാതൊരു ഉറപ്പും ആരും തരുന്നില്ല എന്നത് പ്രത്യേകം ശ്രദ്ധിക്കേണ്ടതുണ്ട്... ജീപ്പ് റോഡുണ്ട് പക്ഷെ തുറക്കണമെങ്കിൽ അനുമതി പത്രം കാണിക്കണം.... ശ്രമിച്ചാൽ കാണാൻ പറ്റുന്ന മലക്കപ്പാറയിലെ ഏറ്റവും മനോഹരമായ ദേശങ്ങളിലൊന്നാണിത്... അനുമതിയില്ലാതെ കടന്നുകയറുന്നവർ ഇവിടെ കുറവാണ്. ...
ഇവിടെ നിന്ന് ഓൾഡ് വാൽപാറ റോഡിലൂടെ പോയാൽ 30 km ൽ വാൽപാറ എത്താം... ഇത് പഴയ റോഡാണ്... തമിൾ നാട് ചെക് പോസ്റ്റിൽ നിന്ന് ഈ റോഡിലൂടെ ഇപ്പോൾ സഞ്ചാരികളെ അനുമതി കിട്ടിയാലേ കടത്തിവിടു.. മനോഹരമായ കൊരങ്ങുമുടി എസ്റ്റേറ്റ് അടക്കം നിരവധി പ്രദേശങ്ങൾ ഈ റൂട്ടിൽ കാണാം...
സഞ്ചാരികൾ കുറവായതിനാൽ ആകും പ്ലാസ്റ്റിക് അടക്കമുള്ള ഒരു മാലിന്യങ്ങളും ഈ പ്രദേശത്ത് കാണാനില്ല... ആര് പോയാലും അത് അങ്ങനെ തന്നെ നിലനിൽക്കട്ടെ....
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ