പാണിയേലി പോരിന്റെ വനസൗന്ദര്യം

പാണിയേലി പോരിന്റെ വനസൗന്ദര്യം

ചാലക്കുടിയിൽ നിന്ന് 40 കിമീ അകലെ പാണിയേലി പോര് എത്തുമ്പോൾ ചെറിയ മഴ പെയ്യുന്നുണ്ടായിരുന്നു ... മൂടി കെട്ടിയ അന്തരീക്ഷത്തിൽ പെരിയാറിന്റേയും പാണിയേലി പോരിന്റേയും വന്യത വർധിച്ചിരുന്നു.. ടിക്കറ്റ് കൗണ്ടർ കഴിഞ്ഞ് മുന്നോട്ട് പോയപ്പോൾ വഴി നീളെ ഫോറസ്റ്റ് ഗാർഡുകൾ തലേ ദിവസം ആനകൾ കുത്തിമറിച്ച താൽക്കാലിക ഷെഡുകൾ പുനർനിർമ്മിക്കാൻ ശ്രമിക്കുന്നുണ്ടയിരുന്നു...മഴ കുറവായതിനാൽ ഈ വർഷം പുഴയിൽ കുത്തിയൊഴുക്ക് കുറവായിരുന്നെങ്കിലും പെരിയാറിന്റെ മൂന്ന് കൈവഴികളും ഒന്നിക്കുന്ന പോരിന്റെ വശ്യത മഴ മേഘങ്ങൾക്ക് കീഴെ രൗദ്രഭാവം വീണ്ടെടുക്കുന്നുണ്ട്...

ഇത് വരെ 80 ന് മുകളിൽ ജീവൻ പൊലിഞ്ഞിട്ടുള്ള ഈ നദീതടം സൗന്ദര്യം മാത്രമല്ല ഭയവും ജനിപ്പിക്കുന്നു.. ശ്രദ്ധയോടെ നടത്തേണ്ട യാത്രകൾ അശ്രദ്ധയും അഹങ്കാരവും മൂലം അപകടകരമാകാതെ ഇരിക്കട്ടെ... കനത്ത മഴക്കാലത്ത് ഇവിടേക്ക് പ്രവേശനം സാധ്യമല്ലെങ്കിലും ഇപ്പോൾ ഇവിടെ നിരവധി ഫോറസ്റ്റ് ഗൈഡുകൾ സുരക്ഷിതമായ നിർദേശങ്ങൾ നൽകാൻ യാത്രികർക്ക് സഹായകരമായ രീതിയിൽ പ്രവർത്തിക്കുന്നുണ്ട്..

പണിയേലി പോര് പുറമേ ശാന്തമായൊഴുകുന്നുണ്ടെങ്കിലും ഈ കാണുന്ന പാറകൂട്ടങ്ങൾക്കിടയിലെ ഗർത്തങ്ങളും വിള്ളലുകളും അപകടകെണി തന്നെയാണ്... ഗാർഡുകൾ നമ്മോടൊപ്പം വരുകയും അവർ കാണിക്കുന്ന വഴികളും അവരുടെ നിർദ്ദേശങ്ങളും ഒരു പരിധി വരെ സുരക്ഷിതമാണ്.... പുഴയിൽ ഇറങ്ങി കുളിക്കാൻ അവർ പറയുന്ന സ്ഥലങ്ങൾ മാത്രം തിരഞ്ഞെടുക്കുക... അല്ലെങ്കിൽ വെള്ളത്തിൽ ഇറങ്ങാതെ ഇരിക്കുക... മനോഹരമായ ഈ പ്രദേശം ഇന്ന് കേരളത്തിലെ തന്നെ ഏറ്റവും അപകടകരമായ നദീതടമായി മാറിയിട്ടുണ്ടെങ്കിൽ അതിനുത്തരവാദികൾ നിയമാനുസൃതമല്ലാത്ത കടന്ന് കയറ്റങ്ങൾ തന്നെയാണ്.. മാത്രമല്ല ചിലർ കാട്ട് പാതകളിലൂടെയും വനത്തോട് ചേർന്ന പട്ടയ ഭൂമിയിലൂടെയും ആരും കാണാതെ പുഴയുടെ തീരങ്ങളിലേക്ക് ഇറങ്ങുമ്പോൾ അവിടെ ഒരു അപകടം ഉണ്ടായാൽ പോലും പെട്ടെന്ന് ശ്രദ്ധിക്കപെടുന്നില്ല...

ഈ ചിത്രം കഴിഞ്ഞ ദിവസം അവിടെയുണ്ടായ അപകടത്തിന് തലേ ദിവസം ചിത്രീകരിച്ചതാണ്....

റൂട്ട് .. ചാലക്കുടി കാലടി കോടനാട് പാണേലി പോര്